కోదాడ పట్టణంలోని దుర్గాపురం స్టేజి వద్ద శనివారం సాయంత్రం పోలీసులు నిర్వహించిన తనిఖీల్లో భారీగా గంజాయి పట్టుబడింది.రాజమండ్రి నుంచి బెంగళూరుకు కారులో గంజాయి తరలిస్తున్నారన్న విశ్వసనీయ సమాచారంతో అప్రమత్తమైన పోలీసులు వాహనాన్ని అడ్డగించి తనిఖీ చేశారు.కారులో తరలిస్తున్న 120 కేజీల గంజాయిని స్వాధీనం చేసుకుని ఇద్దరు వ్యక్తులను అదుపులోకి తీసుకున్నారు. నిందితులు గంజాయిని ఎక్కడి నుంచి తీసుకొచ్చారు, ఎవరికి సరఫరా చేసేందుకు తీసుకెళ్తున్నారు అనే విషయాలపై పోలీసులు విచారణ చేపట్టారు. పూర్తి వివరాలు విచారణ అనంతరం వెల్లడికానున్నాయి.