అబ్దుల్లాపూర్‌మెట్‌, అక్టోబర్‌ 5: పెద్ద అంబర్‌పేట మున్సిపాలిటీ మాజీ కౌన్సిలర్‌, కాంగ్రెస్‌ నాయకుడు, జీఎస్‌ సేవాసమితి చైర్మన్‌ గ్యారల శ్రీనివాస్‌గౌడ్‌ జన్మదిన వేడుకలు సోమవారం పసుమాముల పరిధిలోని స్వర్ణ మహల్‌లో ఘనంగా నిర్వహించారు. ప్రభుత్వ విప్‌ బీర్ల ఐలయ్య, ఇబ్రహీంపట్నం ఎమ్మెల్యే మల్‌రెడ్డి రంగారెడ్డి ముఖ్య అతిథులుగా హాజరై కేక్‌ కట్‌ చేసి శ్రీనివాస్‌గౌడ్‌కు శుభాకాంక్షలు తెలిపారు.

ఈ సందర్భంగా వారు మాట్లాడుతూ శ్రీనివాస్‌గౌడ్‌కు ప్రజాసేవలో మంచి భవిష్యత్‌ ఉందని, భవిష్యత్‌లో మరింత చురుగ్గా ప్రజలకు సేవలందించాలని ఆకాంక్షించారు. ఆయన ఆయురారోగ్యాలతో, సుఖసంతోషాలతో నిండు నూరేళ్లు జీవించాలని కోరుకున్నారు.

అనంతరం శ్రీనివాస్‌గౌడ్‌ మాట్లాడుతూ తనకు జన్మదిన శుభాకాంక్షలు తెలిపిన ప్రతి ఒక్కరికీ పేరుపేరునా కృతజ్ఞతలు తెలిపారు. కార్యక్రమంలో ప్రజాప్రతినిధులు, మాజీ ప్రజాప్రతినిధులు, అధికారులు, అభిమానులు పాల్గొనడంతో సందడి నెలకొంది.