చౌటుప్పల్ పట్టణంలోని రాంనగర్ కాలనిలో మంగళవారం హోలీ పండుగను కాలనీ వాసులు ఉత్సాహంగా జరుపుకున్నారు. ఉదయం నుంచే రంగుల కేళి ప్రారంభమై, చిన్నా–పెద్దా అన్న తేడా లేకుండా ఒకరిపై ఒకరు రంగులు చల్లి శుభాకాంక్షలు తెలుపుకున్నారు. పట్టణ వీధులన్నీ రంగులతో కళకళలాడుతూ పండుగ సందడి నింపాయి.యువత, మహిళలు, చిన్నపిల్లలు పెద్ద సంఖ్యలో పాల్గొని వేడుకలను మరింత రంగులమయం చేశారు.చిన్నారులు గులాల్ రంగులతో ఆడిపాడుతూ ప్రత్యేక ఆకర్షణగా నిలిచారు. పాటలు, నృత్యాలతో కాలనీ అంతా పండుగ వాతావరణం అలుముకుంది.హోలీ పండుగ సామరస్యానికి ప్రతీకగా నిలుస్తుందని కాలనీ పెద్దలు పేర్కొన్నారు. పరస్పర కలహాలను మరచి స్నేహభావంతో ముందుకు సాగాలనే సందేశాన్ని ఈ పండుగ ఇస్తుందన్నారు. పండుగ సందర్భంగా ఎటువంటి అవాంఛనీయ ఘటనలు చోటుచేసుకోకుండా కాలనీ యువకులు ముందస్తు జాగ్రత్తలు తీసుకున్నారు.