చౌటుప్పల్ మున్సిపల్ చైర్‌పర్సన్ మొగుదాల పావని రమేష్ గౌడ్ జన్మదిన వేడుకలను పురపాలక వర్గం, అధికారులు, ప్రజాప్రతినిధుల సమక్షంలో సోమవారం అత్యంత వైభవంగా నిర్వహించారు. ఈ కార్యక్రమానికి మున్సిపల్ పాలకవర్గం, కౌన్సిలర్లు, కో-ఆప్షన్ సభ్యులు, స్థానిక ప్రజాప్రతినిధులు, పుర ప్రముఖులు విశేష సంఖ్యలో హాజరై చైర్‌పర్సన్‌కు జన్మదిన శుభాకాంక్షలు తెలియజేశారు.

​మున్సిపల్ కమిషనర్ ఎన్. వెంకటేశ్వర నాయక్, మేనేజర్ శ్రీధర్ రెడ్డి, ఆర్‌ఓ అంజయ్య, కార్యాలయ అధికారులు, సిబ్బంది, పారిశుద్ధ్య కార్మికులు పాల్గొని తమ శుభాకాంక్షలు అందించారు.​ఈ సందర్భంగా పలువురు నాయకులు మాట్లాడుతూ... మున్సిపాలిటీ అభివృద్ధికి, ప్రజల సంక్షేమానికి చైర్‌పర్సన్ అందిస్తున్న సేవలు అభినందనీయమని కొనియాడారు. భవిష్యత్తులో ఆయురారోగ్యాలు, అష్టైశ్వర్యాలతో ఇలాంటి జన్మదిన వేడుకలు మరెన్నో జరుపుకోవాలని, ప్రజాసేవలో ముందంజలో ఉంటూ ఉన్నత శిఖరాలను అధిరోహించాలని ఆకాంక్షించారు. ఈ కార్యక్రమంలో పట్టణ ప్రముఖులు, మున్సిపల్ సిబ్బంది తదితరులు పాల్గొన్నారు.