శరన్నవరాత్రి ఉత్సవాల్లో భాగంగా చౌటుప్పల్ పోలీస్ స్టేషన్ పరిధిలో దుర్గామాత విగ్రహాల స్థాపన, ఊరేగింపు, నిమజ్జన కార్యక్రమాలు నిర్వహించే నిర్వాహకులు తప్పనిసరిగా పోలీసుల అనుమతి తీసుకోవాలని చౌటుప్పల్ ఇన్స్పెక్టర్ ఆఫ్ పోలీస్ జి. మన్మధ కుమార్ ఒక ప్రకటనలో తెలిపారు. మండపాల నిర్వాహకుల సౌకర్యార్థం సమాచారం అందించేందుకు తెలంగాణ పోలీస్ శాఖ ఆన్‌లైన్ దరఖాస్తు సౌకర్యాన్ని అందుబాటులోకి తెచ్చినట్లు ఆయన వెల్లడించారు. ​ఉత్సవ నిర్వాహకులు ముందుగా https://policeportal.tspolice.gov.in వెబ్‌సైట్‌ను సందర్శించాలి. ​పోర్టల్‌లో కనిపిచే “Online Application” విభాగంపై క్లిక్ చేసి, తమ మండపానికి సంబంధించిన పూర్తి వివరాలను నమోదు చేయాలి.​దరఖాస్తు ప్రక్రియ పూర్తయిన తర్వాత వచ్చే అక్నాలెడ్జ్‌మెంట్ (Acknowledgement) రసీదును ప్రింట్ లేదా డౌన్‌లోడ్ చేసుకుని భద్రపరుచుకోవాలి.​శాంతిభద్రతల పరిరక్షణ, ఉత్సవాలు ప్రశాంత వాతావరణంలో జరిగేలా చూడటంలో భాగంగానే ఈ సమాచారాన్ని సేకరిస్తున్నామని సీఐ తెలిపారు. చౌటుప్పల్ పరిధిలోని దుర్గామాత మండపాల నిర్వాహకులు, ప్రజలు ఈ ఆన్‌లైన్ సౌకర్యాన్ని వినియోగించుకుని, తమ మండపాల వివరాలను తప్పనిసరిగా నమోదు చేసుకోవాలని కోరారు.