ఇంటింటికీ మొక్కల పంపిణీ చేపట్టిన సర్పంచ్ గిర్కటి నిరంజన్ గౌడ్

దండు మల్కాపురం గ్రామపంచాయతీ పరిధిలో సర్పంచ్ గిర్కటి నిరంజన్ గౌడ్ ఆధ్వర్యంలో వనమహోత్సవం ఘనంగా జరిగింది. ఈ సందర్భంగా గ్రామంలో ఇంటింటికీ మొక్కలు పంపిణీ చేయడంతో పాటు స్థానిక హైస్కూల్ ఆవరణలో, పెద్ద చెరువు గట్టు వద్ద ఈత మొక్కలు నాటారు. ​ప్రతి ఒక్కరూ ఇంటికో మొక్క నాటి గ్రామాన్ని పర్యావరణహితంగా మార్చాలని సర్పంచ్ కోరారు. గీత కార్మికుల కోసం నాటిన ఈత మొక్కల ఔషధ గుణాలపై ప్రజలకు అవగాహన కల్పించారు. ఈ కార్యక్రమంలో గ్రామ ఉప సర్పంచ్ మీసాల నరసింహ, వార్డు సభ్యులు ఈర్దుల ఇంద్రసేన, కొత్త ఐలమ్మ, పొట్లపల్లి శివ, సంగం నరసమ్మ, సుక్క రవి, అత్తాపురం సంతోష అంజిరెడ్డి, ఒంటెద్దు లక్ష్మమ్మ, ఎక్సైజ్ సి.ఐ బాలాజీ నాయక్, ఎస్.ఐ శంకర్, పోలీస్ సిబ్బంది, గ్రామ పంచాయతీ కార్యదర్శి పాల్వాయి రమాదేవి, ఫీల్డ్ అసిస్టెంట్ నరసింహ, గ్రామపంచాయతీ కారోబార్ పర్వతం శ్రీను, సిబ్బంది గ్రామ ప్రజలు పాల్గొన్నారు.