ఇన్సిడెంట్ ఫ్రీ న్యూ ఇయర్ లక్ష్యం: సీపీ సుధీర్ బాబు

రాచకొండ స్థానికం ప్రతిదీ :

నూతన సంవత్సర వేడుకలు శాంతియుతంగా, ఇన్సిడెంట్ ఫ్రీగా జరగాలని రాచకొండ పోలీస్ కమిషనర్ సుధీర్ బాబు ఐపీఎస్ తెలిపారు. ఈ సందర్భంగా పబ్‌లు, బార్లు, రెస్టారెంట్లు, ఫామ్ హౌస్‌లు, వైన్ షాపులు, ఈవెంట్ నిర్వాహకులతో సమన్వయ సమావేశం నిర్వహించారు.

ఔట్‌డోర్ ఈవెంట్లలో డీజేలకు, బాణసంచాకు అనుమతి లేదని, డ్రగ్స్ వినియోగంపై ఉక్కుపాదం మోపుతామని స్పష్టం చేశారు. మైనర్లకు మద్యం విక్రయిస్తే కఠిన చర్యలు తీసుకుంటామని హెచ్చరించారు. మహిళల భద్రతకు షీటీమ్‌లు, శాంతి భద్రతలకు ట్రాఫిక్, ఎస్‌ఓటీ, పెట్రోలింగ్ బృందాలు విధుల్లో ఉంటాయని తెలిపారు.

డ్రంకెన్ డ్రైవింగ్ తనిఖీలు కట్టుదిట్టంగా నిర్వహిస్తామని, వేగవంతమైన వాహనాల నియంత్రణకు తాత్కాలికంగా కొన్ని ఫ్లైఓవర్లను మూసివేస్తామని పేర్కొన్నారు.