యాదాద్రి భువనగిరి జిల్లా నకిరేకల్ నియోజకవర్గం పరిధిలోని ఇంద్రపాలనగరం గ్రామంలో విషాదం చోటుచేసుకుంది. బీఆర్ఎస్ నాయకుడు చిన్నపాక సురేష్ సతీమణి అనిత అకాల మరణం చెందడంతో గ్రామంలో శోకసంద్రం నెలకొంది.

విషయం తెలుసుకున్న నకిరేకల్ మాజీ ఎమ్మెల్యే చిరుమర్తి లింగయ్య వెంటనే అక్కడికి చేరుకుని మృతదేహానికి పూలమాలలు వేసి నివాళులర్పించారు. అనంతరం బాధిత కుటుంబాన్ని పరామర్శించి రూ.20 వేల ఆర్థిక సహాయం అందజేశారు.

ఈ సందర్భంగా ఆయన మాట్లాడుతూ చిన్నపాక సురేష్ కుటుంబానికి పార్టీ తరఫున అన్ని విధాలుగా అండగా ఉంటామని తెలిపారు.

ఈ కార్యక్రమంలో సర్పంచ్ గర్దాసు విక్రమ్, భోగారం సర్పంచ్ కూనూరు సాయికుమార్ గౌడ్, నాయకులు కాటేపల్లి యాదయ్య, పున్న వెంకటేశం, బత్తుల వెంకటేశం, అమీర్ తదితరులు పాల్గొన్నారు.