మున్సిపల్ కమిషనర్‌కు వినతిపత్రం అందజేసిన భాజపా నాయకులు

చౌటుప్పల్ మున్సిపాలిటీ భారతీయ జనతా పార్టీ ఫ్లోర్ లీడర్‌గా 18వ వార్డు కౌన్సిలర్ బుడ్డ సురేష్‌ను ధ్రువీకరించాలని కోరుతూ మున్సిపల్ కమిషనర్ వెంకటేశ్వర నాయక్‌కు వినతిపత్రం అందజేశారు. చౌటుప్పల్ మున్సిపాలిటీ పార్టీ అధ్యక్షురాలు కడారి కల్పన ఆధ్వర్యంలో భాజపా ప్రజాప్రతినిధులు, సీనియర్ నాయకులు కమిషనర్‌ను ఆయన కార్యాలయంలో కలిసి మెమోరాండం సమర్పించారు.​ఈ సందర్భంగా నాయకులు మాట్లాడుతూ.. మున్సిపాలిటీలో ప్రజా సమస్యల పరిష్కారానికి, పార్టీ తరఫున కౌన్సిల్‌లో సమర్థవంతంగా గళం విప్పేందుకు ఫ్లోర్ లీడర్‌గా బుడ్డ సురేష్ నియమితులయ్యారని, సంబంధిత ప్రక్రియను వేగవంతం చేయాలని కమిషనర్‌ను కోరారు. ​ఈ కార్యక్రమంలో భాజపా సీనియర్ నాయకులు ముత్యాల భూపాల్ రెడ్డి, కంచర్ల గోవర్ధన్ రెడ్డి, అలె చిరంజీవి, పోలేపల్లి ముత్యాలు, గుజ్జుల సురేందర్ రెడ్డి, కాసుల వేంకటేశం, కంచర్ల వెంకట్ రెడ్డి, కడారి అయిలయ్య యాదవ్, తెలుకుంట్ల శ్రీధర్, సర్వేల్ గ్రామం ఉపసర్పంచ్ కట్కూరి భాస్కర్, మున్సిపాలిటీ ఉపాధ్యక్షుడు వంగాల రమాకాంత్ గౌడ్, బూత్ అధ్యక్షులు కాసోజు కనకాచారి, గోపి, కుంభ శ్రీరాములు తదితరులు పాల్గొన్నారు.