చౌటుప్పల్ పట్టణ పరిధిలో రామాలయం ఎదురుగా నూతనంగా ఏర్పాటు చేసిన ‘ వై ఎస్ సి హెల్తీ హోమ్ ప్రొడక్ట్స్’ హోల్‌సేల్, రిటైల్ కేంద్రాన్ని శుక్రవారం ఘనంగా ప్రారంభించారు. స్థానిక చిన్నకొండూర్ రోడ్డులో ఐతరాజు అశోక్ ఈ సంస్థను ఏర్పాటు చేశారు.​ ముఖ్యఅతిధిగా స్థానికం పత్రిక ప్రతినిధి కత్తుల రవి పాల్గొని మాట్లాడుతూ.. ప్రజలకు నాణ్యమైన ఆహార ఉత్పత్తులు, గృహోపకరణాలను అందుబాటులోకి తీసుకురావడం అభినందనీయమన్నారు. స్థానికంగా ఇటువంటి వ్యాపార సంస్థలు రావడం వల్ల వినియోగదారులకు నాణ్యమైన సరుకులు తక్కువ ధరకే లభిస్తాయని అన్నారు. నూతన సంస్థ యజమాని అశోక్ కు ఆయన శుభాకాంక్షలు తెలియజేశారు. నాణ్యమైన కారం, పసుపు, మసాలాలు, పచ్చళ్లు, క్లీనింగ్ ప్రొడక్ట్స్ ఒకే చోట లభించడం పట్ల స్థానికులు హర్షం వ్యక్తం చేశారు.