తెలంగాణ ఎలక్ట్రిసిటీ ఎంప్లాయిస్ 1104 యూనియన్ ఆధ్వర్యంలో చౌటుప్పల్ డివిజన్ పరిధిలో మే డే ఉత్సవాలు ఘనంగా నిర్వహించారు. ఈ సందర్భంగా యూనియన్ జెండాను ఆవిష్కరించి కార్మికుల ఐక్యతను చాటారు.

డివిజన్ అధ్యక్షుడు అల్లే రమేష్, కార్యదర్శి గంగుల సోమేశ్వర రెడ్డి, జిల్లా అదనపు కార్యదర్శి తిరుమలయ్య, సీనియర్ నాయకులు షకీల్, సుధాకర్ ఆధ్వర్యంలో కార్యక్రమం జరిగింది.

డివిజన్ పరిధిలోని రామన్నపేట, వలిగొండ, నారాయణపురం, పోచంపల్లి, చౌటుప్పల్ ప్రాంతాల్లో వేర్వేరు సెక్షన్లలో జెండా ఆవిష్కరణ కార్యక్రమాలు నిర్వహించారు. ఆయా ప్రాంతాల్లో స్థానిక యూనియన్ నాయకులు జెండాను ఎగురవేశారు.

ఈ సందర్భంగా కార్యదర్శి గంగుల సోమేశ్వర రెడ్డి మాట్లాడుతూ కార్మికుల హక్కుల సాధన కోసం 1104 యూనియన్ నిరంతరం పోరాటం చేస్తుందని తెలిపారు. కార్మికుల సంక్షేమం, హక్కుల పరిరక్షణలో యూనియన్ ముందుంటుందని స్పష్టం చేశారు.

కార్యక్రమాల్లో యూనియన్ నాయకులు, సభ్యులు, కార్మికులు పెద్ద సంఖ్యలో పాల్గొన్నారు.