నారాయణఖేడ్ నియోజకవర్గంలోని మానూర్ మండలం పరిధిలో ఉన్న బోరంచ గ్రామంలో హోళీ పండుగ సందర్భంగా మంగళవారం ఆనందోత్సాహాల మధ్య ఘనంగా వేడుకలు నిర్వహించబడినవి.గ్రామ పెద్దల ఆధ్వర్యంలో గ్రామస్తులు,యువత,యువకులు,చిన్నారులు పెద్ద సంఖ్యలో పాల్గొని పండుగను ఉత్సాహంగా జరుపుకున్నారు.వాడవాడలా రంగుల హారతులతో,రకరకాల కలర్స్ చల్లుకుంటూ, పాటలు పాడుతూ,నృత్యాలు చేస్తూ గ్రామమంతా హోళీ సంబరాలతో కళకళలాడింది. చిన్నా పెద్ద తేడా లేకుండా అందరూ ఒక్కటిగా కలిసి పరస్పరం రంగులు చల్లుకుంటూ స్నేహసౌహార్దాలను పంచుకున్నారు.గ్రామంలో ఎక్కడ చూసినా ఆనంద కిలకిలారావాలు మార్మోగాయి.అనంతరం గ్రామ పెద్దలు ప్రత్యేకంగా అందరినీ ఆశీర్వదిస్తూ, ఐక్యత మరియు సౌభ్రాతృత్వానికి ప్రతీకగా హోళీ పండుగను జరుపుకోవాలని సూచించారు.గ్రామంలోని ప్రతి కుటుంబానికి హోళీ పండుగ శుభాకాంక్షలు తెలియజేశారు.ఈ సందర్భంగా గ్రామ ప్రజలు ఇలాంటి పండుగలు సమాజంలో ఐక్యతను,ప్రేమను,స్నేహాన్ని పెంపొందిస్తాయని పేర్కొన్నారు.బోరంచ గ్రామంలో హోళీ సంబరాలు ఆనందోత్సాహాల మధ్య విజయవంతంగా ముగిశాయి.