-ఎమ్మెల్యే కుంభం అనిల్ కుమార్ రెడ్డి రంగుల సందడి

భువనగిరి పట్టణంలో హోలీ పండుగను ఉత్సాహభరిత వాతావరణంలో ఘనంగా నిర్వహించారు. ఈ వేడుకల్లో భువనగిరి ఎమ్మెల్యే కుంభం అనిల్ కుమార్ రెడ్డి పాల్గొని కార్యకర్తలతో కలిసి రంగులు జల్లుతూ, బ్యాండ్ మేళాల మధ్య నృత్యాలు చేస్తూ...సంబరాల్లో మునిగిపోయారు. ఈ సందర్భంగా ఆయన నియోజకవర్గ ప్రజలకు హృదయపూర్వక హోలీ శుభాకాంక్షలు తెలిపారు. మన భారతీయ సంస్కృతి,సంప్రదాయాలు ఎంతో గొప్పవని, ప్రతి పండుగకు ఒక ప్రత్యేకమైన పరమార్థం ఉందని పేర్కొన్నారు. హోలీ పండుగ అన్ని రంగుల సమ్మేళనంగా, ఆనందం-సామరస్యానికి ప్రతీకగా నిలుస్తుందని అన్నారు. భువనగిరి పట్టణంలో వాడవాడలా బైక్ ర్యాలీలతో తిరుగుతూ.. ప్రజలకు హోలీ శుభాకాంక్షలు తెలుపుతూ.. వేడుకలను ఉత్సాహంగా నిర్వహించుకున్నామని ఎమ్మెల్యే తెలిపారు.

పట్టణమంతా రంగుల హరివిల్లు విరిసినట్టుగా కనిపించగా,ప్రజలు పెద్ద ఎత్తున పాల్గొని పండుగను ఆనందంగా జరుపుకున్నారు అని తెలిపారు. ఈ కార్యక్రమంలో పట్టణ సీనియర్ నాయకులు కార్యకర్తలు,యువత తదితరులు పాల్గొన్నారు.