గ్రామాభివృద్ధి దిశగా నూతన సర్పంచ్ సాయికుమార్ గౌడ్‌కు శుభాకాంక్షలు

రామన్నపేట (స్థానికం ప్రతినిధి):

రామన్నపేట మండలంలోని బోగారం గ్రామ సర్పంచ్‌గా ఇటీవల ఎన్నికైన కోనూరు సాయికుమార్ గౌడ్‌ను సర్దార్ సర్వాయి పాపన్న గీత కార్మిక సంఘం యాదాద్రి భువనగిరి జిల్లా అధ్యక్షులు కప్పల రవికుమార్ గౌడ్ (పరిటాల) దంపతులు ఘనంగా సన్మానించారు. ఈ సందర్భంగా సాయికుమార్ గౌడ్‌కు శాలువా కప్పి, పుష్పగుచ్ఛాలు అందజేసి అభినందనలు తెలిపారు.

అనంతరం కప్పల రవికుమార్ గౌడ్ మాట్లాడుతూ… ప్రజల ఆశయాలకు అనుగుణంగా గ్రామాభివృద్ధి కోసం పనిచేయాల్సిన బాధ్యత నూతన సర్పంచులపై ఉందన్నారు. రామన్నపేట మండల వ్యాప్తంగా సర్పంచ్‌లుగా ఎన్నికైన ప్రతి ఒక్కరికీ హృదయపూర్వక శుభాకాంక్షలు తెలియజేశారు. గ్రామాల అభివృద్ధి, ప్రజాసంక్షేమమే లక్ష్యంగా సమన్వయంతో ముందుకు సాగాలని సూచించారు.

ఈ కార్యక్రమంలో గ్రామ పెద్దలు, సంఘ నాయకులు, కార్యకర్తలు పాల్గొని నూతన సర్పంచ్‌కు శుభాకాంక్షలు తెలిపారు.