రామన్నపేట స్థానికం ప్రతినిధి

బోగారం గ్రామ ప్రజలకు నూతన సంవత్సర శుభాకాంక్షలు తెలియజేస్తూ సర్పంచ్ కూనూరు సాయికుమార్ గౌడ్ ఒక ప్రకటన విడుదల చేశారు. కొత్త సంవత్సరం నుంచి గ్రామంలో సానుకూల మార్పులు చోటుచేసుకోవాలని ఆకాంక్షించారు.

ఆకలితో అలమటిస్తున్న పేద కుటుంబాల జీవితాల్లో వెలుగు నింపాలని, దుర్భర పరిస్థితుల్లో ఉన్న వారి బతుకులు మారాలని ఆయన ఆకాంక్షించారు. నిరాశ–నిస్పృహల్లో ఉన్న నిరుద్యోగ యువతలో ఆశలు చిగురించి, భవిష్యత్తుపై నమ్మకం పెరగాలని కోరారు.

నేలను నమ్ముకుని జీవనం సాగించే రైతుల జీవితాల్లో ప్రకృతి విపత్తులను అధిగమించే శక్తి కలగాలని, శ్రమజీవుల ముఖాల్లో చిరునవ్వులు వికసించాలని తెలిపారు. దేశ రక్షణ కోసం అలుపెరుగని పోరాటం చేస్తున్న సైనికుల్లో విజయం, భద్రత వెలుగులు ప్రసరించాలని ఆయన ఆకాంక్షించారు.

నూతన సంవత్సరం గ్రామ ప్రజలందరికీ శాంతి, సమృద్ధి తీసుకురావాలని సర్పంచ్ ఆశాభావం వ్యక్తం చేశారు.