సంగారెడ్డి జిల్లా ఫసల్‌వాడిలోని శ్రీ జ్యోతిర్వాస్తు విద్యాపీఠం ఆధ్వర్యంలో పీఠాధిపతి మహేశ్వర శర్మ సిద్ధాంతి పర్యవేక్షణలో ఆరుద్రాష్టమి వ్రతాన్ని శనివారం భక్తిశ్రద్ధలతో ఘనంగా నిర్వహించారు. ఈ సందర్భంగా అమ్మవారికి ప్రత్యేక పూజలు, అభిషేకాలు నిర్వహించి భక్తులకు తీర్థప్రసాదాలు అందజేశారు. కార్యక్రమానికి టీపీసీసీ వర్కింగ్ ప్రెసిడెంట్ జగ్గారెడ్డి హాజరై ప్రత్యేక పూజల్లో పాల్గొన్నారు.ఆరుద్రాష్టమి సందర్భంగా సుమారు 2700 మంది మహిళలతో సామూహిక వ్రతాన్ని నిర్వహించగా, నిర్మలా జగ్గారెడ్డి కూడా మహిళలతో కలిసి వ్రతంలో పాల్గొని ప్రత్యేక పూజలు చేశారు. ఈ సందర్భంగా ఆరుద్రాష్టమి వ్రతం విశిష్టత, అమ్మవారి మహత్యం, పూజా విధానాలను నిర్వాహకులు భక్తులకు వివరించారు.భక్తులు పెద్ద సంఖ్యలో పాల్గొనడంతో జ్యోతిర్వాస్తు విద్యాపీఠం ఆధ్యాత్మిక వాతావరణంతో కళకళలాడింది. ఈ కార్యక్రమంలో టీపీసీసీ ప్రధాన కార్యదర్శి తోపాజీ అనంత్ కిషన్, ఎస్సీ సెల్ అధ్యక్షుడు గంగేరి శ్రీహరి, జ్యోతిర్వాస్తు విద్యాపీఠం నిర్వాహకులు, భక్తులు, మహిళలు తదితరులు పాల్గొన్నారు.