హయత్‌నగర్‌: మున్సిపల్‌ అధికారులు అక్రమ నిర్మాణాలపై చర్యలు చేపట్టారు. సర్కిల్‌–14 పరిధిలో అనుమతులు లేకుండా చేపడుతున్న నిర్మాణాన్ని అడ్డుకుని సీజ్‌ చేశారు.

శుక్రవారం బాగ్‌ హయత్‌నగర్‌ పరిధిలోని సామానగర్‌ కాలనీలో అనుమతులు లేకుండా షెడ్డు నిర్మిస్తున్నట్లు అధికారులకు సమాచారం అందింది. దీంతో మున్సిపల్‌ అధికారులు, సిబ్బంది అక్కడికి చేరుకుని నిర్మాణ పనులను నిలిపివేశారు. అనంతరం అనుమతులు లేని నిర్మాణాన్ని సీజ్‌ చేశారు.

మున్సిపల్‌ నిబంధనలకు విరుద్ధంగా నిర్మాణాలు చేపడితే చర్యలు తప్పవని అధికారులు హెచ్చరించారు. అక్రమ నిర్మాణాలను గుర్తించి నిబంధనల ప్రకారం చర్యలు కొనసాగిస్తామని తెలిపారు.