ప్రతి చతుర్థి రోజున దీనిని పఠించడం వల్ల మూడు నెలల్లోనే ఫలితం కనిపిస్తుందని ఫలశ్రుతి చెబుతోంది

ప్రణమ్య శిరసా దేవం గౌరీపుత్రం వినాయకమ్ |

భక్తావాసం స్మరేన్నిత్యమాయుః కామార్థ సిద్ధయే || 1 ||

ప్రథమం వక్రతుండం చ ఏకదంతం ద్వితీయకమ్ |

తృతీయం కృష్ణపింగాక్షం గజవక్త్రం చతుర్తకామ్ || 2 ||

లంబోదరం పంచమం చ షష్ఠం వికటమేవ చ |

సప్తమం విఘ్నరాజం చ ధూమ్రవర్ణం తథాష్టకమ్ || 3 ||

నవమం భాలచంద్రం చ దశమం తు వినాయకమ్ |

ఏకాదశం గణపతిం ద్వాదశం తు గజాననమ్ || 4 ||

ద్వాదశైతాని నామాని త్రిసంధ్యం యః పఠేన్నరః |

న చ విఘ్నభయం తస్య సర్వసిద్ధికరం ప్రభో || 5 ||

అంగారక సంకష్టహర చతుర్థి వ్రత కథ

పురాణాల ప్రకారం, భరద్వాజ మహర్షికి మరియు పృథ్వికి (భూదేవికి) జన్మించినవాడు అంగారకుడు. ఇతడు గొప్ప గణపతి భక్తుడు. తన తండ్రి ఉపదేశం మేరకు గణేశుడిని ప్రసన్నం చేసుకోవడానికి వేల సంవత్సరాలు తపస్సు చేశాడు.

వినాయకుని వరం: అంగారకుని తపస్సుకు మెచ్చి, ఒక మాఘ బహుళ చతుర్థి నాడు వినాయకుడు ప్రత్యక్షమయ్యాడు. "నీకు ఏం వరం కావాలి?" అని కోరగా, అంగారకుడు ఇలా వేడుకున్నాడు: "స్వామీ! నా పేరు శాశ్వతంగా మీతో ముడిపడి ఉండాలి. దేవలోకంలో నాకు స్థానం దక్కాలి."

దానికి గణపతి సంతోషించి.. "నీవు కోరినట్లుగానే నీకు దేవలోకంలో అమృతపానం చేసే 'మంగళ' గ్రహ హోదా లభిస్తుంది. ఏ రోజైతే మంగళవారం మరియు చతుర్థి కలిసి వస్తాయో, ఆ రోజును 'అంగారక చతుర్థి' అని పిలుస్తారు. ఆ రోజున నిన్ను, నన్ను పూజించే భక్తులకు కష్టాలన్నీ తొలగిపోయి, వారి కోరికలు నెరవేరుతాయి" అని వరమిచ్చాడు.