మిర్యాలగూడ, నల్గొండ టూ టౌన్ పోలీస్ స్టేషన్లో విధులు నిర్వహిస్తున్న షేక్ నౌషిన్ అరుదైన గౌరవాన్ని దక్కించుకున్నారు. జమ్మూ కాశ్మీర్‌లో మార్చి 7 నుంచి 13 వరకు జరగనున్న ‘ఆల్ ఇండియా పోలీస్ స్పోర్ట్స్ అండ్ గేమ్స్–2026’ పోటీలకు ఆమె ఎంపికయ్యారు.

ఈ కబడ్డీ పోటీల్లో తెలంగాణ రాష్ట్ర పోలీస్ శాఖ తరపున నౌషిన్ కెప్టెన్‌గా బాధ్యతలు నిర్వర్తించనున్నారు. రాష్ట్ర స్థాయిలో ప్రతిభ కనబరిచి జాతీయ స్థాయి పోటీలకు ఎంపిక కావడం విశేషం.

ఈ సందర్భంగా జిల్లా పోలీసు అధికారి శరత్ చంద్ర పవార్ ఆమెను ప్రత్యేకంగా అభినందించారు. జాతీయ స్థాయిలో మెరుగైన ప్రదర్శన చేసి రాష్ట్రానికి కీర్తి తీసుకురావాలని ఆకాంక్షించారు.