సూర్యాపేట స్థానికం ప్రతినిధి బిక్షం

తెలంగాణ రాష్ట్ర ప్రభుత్వం నూతన సంవత్సరాన్ని పురస్కరించుకొని రాష్ట్ర స్థాయిలో ఉత్తమ ఉద్యోగుల ప్రతిభ అవార్డులను ప్రకటించింది. ఈ అవార్డుల్లో భాగంగా సూర్యాపేట జిల్లా పోలీస్ ఆర్ముడ్ విభాగంలో విధులు నిర్వహిస్తున్న డీఎస్పీ నరసింహ చారికి రాష్ట్ర స్థాయి పోలీస్ సేవా పతకం లభించింది. తన విధుల్లో కర్తవ్యనిష్ఠ, సేవాభావంతో విశేష ప్రతిభ కనబరిచినందుకు ఈ అవార్డు లభించినట్లు అధికారులు తెలిపారు. ఈ సందర్భంగా డీఎస్పీ నరసింహ చారి జిల్లా ఎస్పీ నరసింహ ఐపీఎస్‌ను మర్యాదపూర్వకంగా కలిశారు. జిల్లా ఎస్పీ నరసింహ ఐపీఎస్ డీఎస్పీ నరసింహ చారిని అభినందించి శుభాకాంక్షలు తెలిపారు. భవిష్యత్తులో మరింత ఉత్తమ సేవలు అందించాలని ఆకాంక్షించారు. ఈ అవార్డు జిల్లా పోలీస్ శాఖకు గర్వకారణమని పేర్కొన్నారు.