దేశ స్వాతంత్ర్యం కోసం చిన్నవయసులోనే ప్రాణాలర్పించిన విప్లవ వీరుడు భగత్‌సింగ్ జీవితం నేటి యువతకు ఎంతో స్ఫూర్తిదాయకమని బీసీ యువజన సంఘం మునుగోడు నియోజకవర్గ అధ్యక్షుడు వీరమళ్ల కార్తీక్ గౌడ్ పేర్కొన్నారు. భగత్‌సింగ్ జయంతిని పురస్కరించుకుని సంస్థాన్ నారాయణపూర్ మండల కేంద్రంలో బీసీ యువజన సంఘం ఆధ్వర్యంలో ఆయన విగ్రహానికి పూలమాలలు వేసి ఘనంగా నివాళులర్పించారు.​ఈ సందర్భంగా కార్తీక్ గౌడ్ మాట్లాడుతూ.. దేశం కోసం ప్రాణాలను సైతం లెక్కచేయకుండా పోరాడిన భగత్‌సింగ్ ధైర్యం, త్యాగం దేశ చరిత్రలో చిరస్థాయిగా నిలిచిపోతాయన్నారు. ఆయన కేవలం స్వాతంత్ర్య సమరయోధుడే కాకుండా, యువతలో దేశభక్తి, సామాజిక చైతన్యం, ప్రశ్నించే తత్వాన్ని పెంపొందించిన గొప్ప వ్యక్తి అని కొనియాడారు. నేటి యువత ఆయన పోరాట స్ఫూర్తిని ఆదర్శంగా తీసుకుని సమాజంలో ఉన్న సమస్యల పరిష్కారానికి, ప్రజా సంక్షేమానికి ముందుకు రావాలని పిలుపునిచ్చారు. మహనీయుల ఆశయాలను భావితరాలకు అందించాల్సిన బాధ్యత ప్రతి ఒక్కరిపై ఉందన్నారు.​ఈ కార్యక్రమంలో బీసీ యువజన సంఘం నారాయణపూర్ మండల అధ్యక్షుడు కొప్పు రామకృష్ణ, నాయకులు బైకని నరేందర్, సుర్వి వెంకటేశ్, విజయ్, మురళి తదితరులు పాల్గొన్నారు.