రామన్నపేట: మండలంలో 2026 విద్యా సంవత్సరానికి ఉత్తమ ఉపాధ్యాయ పురస్కారాల కోసం ఎంపిక ప్రక్రియ చేపట్టినట్లు మండల విద్యాధికారి టి. సురేందర్‌రెడ్డి తెలిపారు. ఈ నెల 26న రామన్నపేటలోని శ్రీ మత్యగిరి లక్ష్మీనరసింహస్వామి ఫంక్షన్‌హాల్‌లో పురస్కారాల కార్యక్రమం నిర్వహించనున్నట్లు పేర్కొన్నారు.

బడిబాట కార్యక్రమంలో భాగంగా పాఠశాలల్లో అత్యధికంగా విద్యార్థుల నమోదును సాధించిన ప్రధానోపాధ్యాయులను గుర్తించి పురస్కారాలకు ఎంపిక చేసినట్లు ఎంఈఓ తెలిపారు.

ప్రాథమిక విభాగంలో.. కొమ్మాయిగూడెం కె.కోటేష్, శోభనాద్రిపురం పి.కళావతి, వెల్లంకి ఎం.వెంకటయ్య, ఎన్నారం ఎస్‌కె.మస్తాన్, రామన్నపేట బి.సునీత ఎంపికయ్యారు.

ఉన్నత పాఠశాలల విభాగంలో.. కొమ్మాయిగూడెం బి.బాలరాజు, జనంపల్లి ఆర్.శంకర్, ఎన్నారం ఎన్.శేఖర్, ఇంద్రపాలనగరం కె.శ్రీనివాస్‌రెడ్డి, మునిపంపుల ఎన్.మనోహర్, వెల్లంకి కసాని స్వప్న ఎంపికయ్యారు.

జిల్లా ఉత్తమ పురస్కారాలకు.. దుబ్బాక కె.లలిత, జనంపల్లి కె.సందీప్‌కుమార్, రామన్నపేట బీసీ కాలనీ వి.జనార్ధన్ ఎంపికయ్యారు.

బడిబాటలో అధిక నమోదు సాధించిన పాఠశాలలుగా ఇంద్రపాలనగరం కె.శేఖర్, శోభనాద్రిపురం జి.శ్రీనివాస్‌రెడ్డి, బాచుప్పల వి.వెంకటయ్య పాఠశాలలు ఎంపికైనట్లు ఎంఈఓ టి.సురేందర్‌రెడ్డి వెల్లడించారు.