విధి నిర్వహణలో ప్రతిభ, అంకితభావం కనబరిచిన నారాయణఖేడ్ పోలీస్ స్టేషన్ కానిస్టేబుల్ ముజమ్మిల్‌కు జిల్లా ఎస్పీ పరితోష్ పంకజ్ ప్రశంసా పత్రాన్ని అందజేశారు. పోలీసు శాఖలో తన బాధ్యతలను సమర్థవంతంగా నిర్వహిస్తూ ప్రజలకు మెరుగైన సేవలు అందించడంలో చూపిన కృషిని గుర్తించి ఈ సత్కారం చేశారు. ఈ సందర్భంగా సీఐ శ్రీనివాస్ రెడ్డి, ఎస్సై రాసుల శ్రీశైలం మరియు సహచర పోలీసు సిబ్బంది ముజమ్మిల్‌ను అభినందిస్తూ, భవిష్యత్తులో కూడా ఇదే అంకితభావంతో విధులు నిర్వహించి శాఖకు మంచి పేరు తీసుకురావాలని ఆకాంక్షించారు.