ఉపసర్పంచ్‌ల చెక్‌పవర్ రద్దు చేయనున్నట్లు వస్తున్న వార్తలను రాష్ట్ర ప్రభుత్వం వెంటనే ఖండించాలని తెలంగాణ రాష్ట్ర ఉపసర్పంచుల ఫోరం అధ్యక్షుడు బొట్ల కార్తీక్ డిమాండ్ చేశారు. నల్గొండలో జిల్లా అధ్యక్షుడు జోగు నగేష్ ఆధ్వర్యంలో శుక్రవారం నిర్వహించిన సమావేశంలో జూన్ 25న హైదరాబాద్‌లోని ఇందిరా పార్క్ ధర్నాచౌక్ వద్ద చేపట్టనున్న ‘హలో ఉపసర్పంచ్.. చలో హైదరాబాద్’ కార్యక్రమ పోస్టర్‌ను ఆవిష్కరించారు.

ఈ సందర్భంగా ఆయన మాట్లాడుతూ, ఉపసర్పంచ్‌ల చెక్‌పవర్‌పై స్పష్టత ఇవ్వాలని, వార్డ్ సభ్యులకు నెలకు రూ.3,000, ఉపసర్పంచ్‌లకు రూ.5,000 గౌరవ వేతనం ప్రకటించాలని ప్రభుత్వాన్ని కోరారు. డిమాండ్లపై స్పందించకపోతే జూన్ 25న భారీ ఆందోళన చేపడతామని హెచ్చరించారు. రాష్ట్రవ్యాప్తంగా ఉపసర్పంచులు పెద్ద సంఖ్యలో ధర్నాలో పాల్గొని విజయవంతం చేయాలని పిలుపునిచ్చారు.

కార్యక్రమంలో గోపిరెడ్డి శ్రీనివాస్ రెడ్డి, మజ్జిగ నరేష్, మట్టా శ్రీనివాస్, గోపగాని జానయ్య, అయితగోని వెంకటేశం, సతీష్, నవ్య అనిల్ కుమార్ గౌడ్, కడారి కొండల్, నక్క రాజేష్, మర్రి శివ తదితరులు పాల్గొన్నారు.