అధికారిక నియామక పత్రం అందజేసిన పీసీసీ నాయకత్వం

ప్రజల ఆరోగ్య సేవల బలోపేతానికి కృషి చేస్తా : ఫణి కుమార్

తెలంగాణ ప్రదేశ్ కాంగ్రెస్ కమిటీ డాక్టర్ సెల్–మెడికల్ అండ్ హెల్త్ విభాగంలో కీలక నియామకం జరిగింది. డాక్టర్ చకిలం ఫణి కుమార్ (ఎంబీబీఎస్‌, ఎండీ, డీఆర్‌ఎన్‌బీ కార్డియాలజీ)ను నల్గొండ జిల్లా డాక్టర్ సెల్ చైర్మన్‌గా నియమిస్తూ పీసీసీ నాయకత్వం అధికారిక నియామక పత్రం అందజేసింది.

ఈ సందర్భంగా డాక్టర్ ఫణి కుమార్ మాట్లాడుతూ.. పార్టీ తనపై ఉంచిన నమ్మకానికి కృతజ్ఞతలు తెలిపారు. ప్రజల ఆరోగ్య సేవల బలోపేతానికి, వైద్య రంగంలో ప్రజలకు మెరుగైన సేవలు అందించేందుకు కృషి చేస్తానని పేర్కొన్నారు.

పార్టీ బలోపేతంతో పాటు ప్రజా సమస్యల పరిష్కారంలోనూ చురుకైన పాత్ర పోషిస్తానని ఆయన తెలిపారు.