శ్రీ సత్యసాయి జిల్లా సోమందేపల్లి పోలీస్ స్టేషన్ పరిధిలో జాతీయ రహదారిపై వాహనాల అతివేగాన్ని నియంత్రించేందుకు స్పీడ్ రాడార్ ఏర్పాటు చేసే దిశగా చర్యలు ప్రారంభమయ్యాయి. ఈ నేపథ్యంలో సోమందేపల్లి ఎస్సైతో కలిసి ఎన్‌హెచ్‌ఏఐ అధికారులు రహదారిని పరిశీలించారు. ప్రమాదాలకు గురయ్యే ప్రాంతాలు, ట్రాఫిక్ రద్దీ ఎక్కువగా ఉండే ప్రాంతాలను గుర్తించి అక్కడ స్పీడ్ రాడార్ ఏర్పాటు చేయాలని అధికారులు నిర్ణయించారు.

రోడ్డు భద్రతను పెంపొందించడం, ప్రమాదాలను తగ్గించడం లక్ష్యంగా ఈ చర్యలు చేపడుతున్నట్లు అధికారులు తెలిపారు. వాహనదారులు ట్రాఫిక్ నిబంధనలు పాటించి నెమ్మదిగా ప్రయాణించాలని సూచించారు.