శాంతి, అహింసా మార్గంలో పోరాడి స్వాతంత్ర్యాన్ని అందించిన మహనీయుడు మహాత్మా గాంధీ..

తుంగతుర్తి మండలం గొట్టిపర్తి గ్రామ0లో మహాత్మా గాంధీ జయంతి సందర్భంగా మహాత్మా గాంధీ విగ్రహానికి సర్పంచ్ చిలుకల మంజుల వెంకన్న, వైస్ చైర్మన్ చింతకుంట వెంకన్న పూలమాల వేసి ఘనంగా నివాళులు అర్పించారు. ఈ సందర్భంగా వారు మాట్లాడుతూ.. సత్యం, అహింస, శాంతి, సత్యాగ్రహం వంటి విలువలను ప్రపంచానికి చాటిచెప్పిన మహనీయుడు గాంధీజీ అని అన్నారు. ఆయన చూపిన అహింసా మార్గం నేటి సమాజానికి కూడా స్ఫూర్తిదాయకమని తెలిపారు. గాంధీజీ ఆశయాలను ప్రతి ఒక్కరూ ఆచరణలో పెట్టాలని, సమాజంలో శాంతి, సామరస్యం, సోదరభావం పెంపొందించేందుకు కృషి చేయాలని వారు పిలుపునిచ్చారు. దేశం కోసం గాంధీజీ చేసిన త్యాగాలను, సేవలను ఎల్లప్పుడూ స్మరించుకోవాలని అన్నారు.ఈ కార్యక్రమంలో ఉపసర్పంచ్ అనేబోయిన శ్రీకాంత్, సింగల్ విండో డైరెక్టర్ కేతిరెడ్డి రవీందర్ రెడ్డి, ఏపీవో కృష్ణయ్య, పాలకవర్గ సభ్యులు, ఆశ కార్యకర్తలు, అంగన్వాడి టీచర్లు, గ్రామస్తులు పాల్గొన్నారు.