రాష్ట్ర భారీ నీటిపారుదల మరియు పౌరసరఫరాల శాఖ మంత్రి ఎన్. ఉత్తమ్ కుమార్ రెడ్డి జన్మదిన వేడుకలను మండల కేంద్రంలో శ్రీరామ్ నల్లపాటి ఫౌండేషన్ ఆధ్వర్యంలో యువకులు శనివారం ఘనంగా నిర్వహించారు. ఈ సందర్భంగా ఫౌండేషన్ నాయకులు నల్లపాటి మారుతి మాట్లాడుతూ మంత్రి ఉత్తమ్ కుమార్ రెడ్డి దేశ సేవకై యుద్ద విమానాలను నడిపి దేశ రక్షణలో అనేకసార్లు భాగస్వాములు అయ్యాడని, ప్రస్తుతం రాష్ట్ర పరిపాలన వర్గంలో తనదైన శైలిలో రాష్ట్ర అభివృద్ధికి ఎంతగానో తోడ్పడుతూ దేశంలోనే ఆదర్శ మంత్రిగా పేరుగాయించాడని అన్నారు.రాష్ట్రవ్యాప్తంగా నిరుద్యోగ యువత ఎదుర్కొంటున్న సమస్యలను పరిష్కరించేందుకై పలు రకాల పేరుగాంచిన కంపెనీల ఆధ్వర్యంలో జాబు మేళాలు నిర్వహించి యువతకు ఆదర్శం అయ్యాడని అన్నారు. రాష్ట్రంలో కోదాడ మరియు హుజూర్నగర్ నియోజకవర్గాలను ఆదర్శవంతంగా తీర్చిదిద్దేందుకు ఉత్తమ్ దంపతులు చేపట్టిన కార్యక్రమాలు ఎందరికో మార్గదర్శకమయ్యాయని ఆయన అన్నారు. జన్మదిన వేడు కలలో భాగంగా ఉత్తమ్ చిత్రపటం దగ్గర బాణాసంచాలు కాల్చుతూ ఆనందాల నడుమ కేక్ కట్ చేసి యూత్ సభ్యులు ఒకరికొకరు పంపిణీ చేసుకున్నారు.ఈ కార్యక్రమంలో యూత్ సభ్యులు అధిక సంఖ్యలో పాల్గొన్నారు.