నారాయణఖేడ్ నియోజకవర్గ ఎమ్మెల్యే డాక్టర్ పట్లోళ్ల సంజీవరెడ్డి జన్మదిన వేడుకలు గురువారం ఆయన స్వగృహంలో ఘనంగా నిర్వహించబడ్డాయి. కాంగ్రెస్ పార్టీ నాయకులు, కార్యకర్తలు, అభిమానులు మరియు ప్రజలు భారీ సంఖ్యలో పాల్గొని జన్మదిన శుభాకాంక్షలు తెలిపారు. ఈ సందర్భంగా ఎమ్మెల్యే కేక్ కట్ చేసి అందరితో ఆనందాన్ని పంచుకున్నారు. జన్మదినాన్ని పురస్కరించుకుని లయన్స్ క్లబ్ ఆధ్వర్యంలో ఏర్పాటు చేసిన రక్తదాన శిబిరం మరియు ఉచిత కంటి పరీక్ష శిబిరాలను ఎమ్మెల్యే డాక్టర్ పట్లోళ్ల సంజీవరెడ్డి, రాష్ట్ర కాంగ్రెస్ నాయకుడు పట్లోళ్ల చంద్రశేఖర్ రెడ్డి ప్రారంభించారు. ఈ సేవా కార్యక్రమాలలో కాంగ్రెస్ పార్టీ శ్రేణులు, యువత, అభిమానులు పెద్ద ఎత్తున పాల్గొని రక్తదానం చేయగా, ప్రజలు ఉచిత కంటి పరీక్షలను సద్వినియోగం చేసుకున్నారు. అనంతరం నియోజకవర్గ నలుమూలల నుండి వచ్చిన సర్పంచ్‌లు, ఉప సర్పంచ్‌లు, మాజీ ఎంపీటీసీలు, మాజీ సర్పంచ్‌లు, ప్రజాప్రతినిధులు మరియు కాంగ్రెస్ పార్టీ ముఖ్య నాయకులు ఎమ్మెల్యేను పూలమాలలు, శాలువాలతో ఘనంగా సన్మానించి ఆయురారోగ్యాలతో మరెన్నో పుట్టినరోజులు జరుపుకోవాలని ఆకాంక్షించారు.