రంగారెడ్డి జిల్లా ఇబ్రహీంపట్నం నియోజకవర్గంలోని తుర్కయంజాల్ మున్సిపాలిటీ సూరజ్‌నగర్ ఫేజ్‌–3 కాలనీలో గణేష్ నవరాత్రి ఉత్సవాలు వైభవంగా ముగిశాయి. ఉత్సవాల్లో భాగంగా నిర్వహించిన శోభాయాత్ర అనంతరం గణనాథుడి లడ్డూ వేలం ఉత్సాహంగా సాగింది.ఈ వేలంలో రొక్కం సంజీవరెడ్డి–స్వాతి దంపతులు రూ.2,51,116కు లడ్డూను కైవసం చేసుకుని రికార్డు సృష్టించారు. వేలంలో భారీ మొత్తానికి లడ్డూ దక్కించుకోవడంతో కాలనీవాసులు వారికి అభినందనలు తెలిపారు.

అదేవిధంగా రెడ్డి కృష్ణయ్య రూ.40,116కు కలశాన్ని దక్కించుకున్నారు. ఈ సందర్భంగా గణేష్ కమిటీ అధ్యక్షుడు శ్రీనివాస్ గౌడ్, కాలనీ అధ్యక్షుడు తెలగమల్ల కృష్ణయ్యతో పాటు కాలనీవాసులు సంజీవరెడ్డి–స్వాతి దంపతులకు శుభాకాంక్షలు తెలిపారు. ఉత్సవాల ముగింపు సందర్భంగా భక్తులు పెద్ద సంఖ్యలో పాల్గొని గణనాథునికి ఘనంగా వీడ్కోలు పలికారు.