మండలంలోని పంతంగి గ్రామాన్ని జడ్పీ సీఈవో శోభారాణి గురువారం సందర్శించారు. ఈ సందర్భంగా గ్రామంలో నూతనంగా మంజూరైన ఆర్ అండ్ బీ రోడ్డు పనులను, అలాగే కొనసాగుతున్న పంట కుంట, పంపాడు పనులను ఆమె క్షేత్రస్థాయిలో పరిశీలించారు. అనంతరం గ్రామపంచాయతీ కార్యాలయాన్ని సందర్శించి స్థానిక ప్రజాప్రతినిధులు, అధికారులతో సమావేశమయ్యారు.​ఈ సందర్భంగా సీఈవో మాట్లాడుతూ.. ఎల్‌నినో ప్రభావం వల్ల రాబోయే రోజుల్లో ఎదురయ్యే నీటి ఎద్దడి, వర్షాభావ పరిస్థితుల పట్ల గ్రామస్థులు, అధికారులు అప్రమత్తంగా ఉండాలని సూచించారు. నీటి ఎద్దడిని జయించేందుకు గ్రామంలో విస్తృతంగా పంట కుంటలు, ఇంకుడు గుంతలను ఏర్పాటు చేసుకోవాలని పిలుపునిచ్చారు. అలాగే గ్రామంలోని చెరువులో పూడిక తీత పనులు చేపట్టి, వర్షపు నీరు ఎక్కువ కాలం నిల్వ ఉండేలా చర్యలు తీసుకోవాలని అధికారులను ఆదేశించారు.​ఈ కార్యక్రమంలో గ్రామ సర్పంచ్ శ్రీలత-సుందర్, వార్డు సభ్యులు సప్పిడి ప్రభాకర్ రెడ్డి, మాధగోని పరమేశ్వరి-శంకర్, పంచాయతీ కార్యదర్శి పద్మజ, కాంగ్రెస్ పార్టీ మండల అధ్యక్షుడు బోయ దేవేందర్, మాజీ సర్పంచ్ అంతటి రమేష్ గౌడ్, నాయకులు కడగంచి చలమందరాజు, కడగంచి జనార్ధన్, పబ్బు లింగస్వామి, కడగంచి వెంకటేశం, బోయ దశరథ, ఏపీవో ఈశ్వరయ్య, ఈసీ రమాదేవి, టీఏ నీల, ఫీల్డ్ అసిస్టెంట్ లలిత తదితరులు పాల్గొన్నారు.