అంబర్ పేట: నిరుపేద కుటుంబాలకు ముఖ్యమంత్రి సహాయ నిధి (సీఎంఆర్‌ఎఫ్) ఒక భరోసాగా నిలుస్తోందని భువనగిరి ఎంపీ చామల కిరణ్ కుమార్ రెడ్డి అన్నారు. అనారోగ్యంతో బాధపడుతూ ప్రైవేట్ ఆసుపత్రుల్లో చికిత్స పొందిన పలువురు లబ్ధిదారులకు మంజూరైన సీఎంఆర్‌ఎఫ్ చెక్కులను ఆదివారం ఆయన కార్యాలయంలో పంపిణీ చేశారు.ఈ సందర్భంగా ఎంపీ మాట్లాడుతూ ఆర్థిక స్థోమత లేక వైద్యం చేయించుకోలేని పేద కుటుంబాలకు ప్రభుత్వం అండగా నిలుస్తోందన్నారు. నియోజకవర్గంలోని అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా చర్యలు తీసుకుంటామని తెలిపారు.