కట్ చేసి శుభాకాంక్షలు తెలిపిన ఉద్యోగులు

ప్రజా సేవలో మంత్రి మరిన్ని విజయాలు సాధించాలని ఆకాంక్ష

తెలంగాణ రాష్ట్ర రోడ్లు, భవనాలు మరియు సినిమాటోగ్రఫీ శాఖ మంత్రి కోమటిరెడ్డి వెంకట్ రెడ్డి జన్మదిన వేడుకలను నల్లగొండలోని మారుతి సుజుకి పవన్ మోటార్స్‌లో శనివారం ఘనంగా నిర్వహించారు.

పవన్ మోటార్స్ మేనేజింగ్ డైరెక్టర్ కోమటిరెడ్డి చంద్రపవన్‌రెడ్డి ఆధ్వర్యంలో జరిగిన కార్యక్రమంలో సీసీఓ రవిరెడ్డి, జీఎం నాగమణి సుధాకర్‌తో పాటు సంస్థ ఉద్యోగులు పాల్గొని కేక్ కట్ చేసి మంత్రి కోమటిరెడ్డికి జన్మదిన శుభాకాంక్షలు తెలిపారు.

ఈ సందర్భంగా చంద్రపవన్‌రెడ్డి మాట్లాడుతూ.. తెలంగాణ రాష్ట్ర అభివృద్ధిలో భాగంగా రోడ్డు ప్రమాదాలు తగ్గించేందుకు ఆధునిక రహదారుల నిర్మాణం చేపట్టి ప్రజలకు మెరుగైన సౌకర్యాలు కల్పిస్తున్నారని కొనియాడారు. నల్లగొండ జిల్లా అభివృద్ధికి మంత్రి కోమటిరెడ్డి వెంకటరెడ్డి చేస్తున్న సేవలు అభినందనీయమన్నారు.

ప్రజలకు మరిన్ని అభివృద్ధి కార్యక్రమాలు అందిస్తూ ఆయురారోగ్యాలతో ముందుకు సాగాలని ఆకాంక్షించారు. అనంతరం పవన్ మోటార్స్ ఉద్యోగులు మంత్రికి హృదయపూర్వక జన్మదిన శుభాకాంక్షలు తెలియజేశారు.