హైదరాబాద్‌–మహబూబ్‌నగర్‌ స్థానానికి సామ రామ్మోహన్‌రెడ్డి.. వరంగల్‌–ఖమ్మం–నల్లగొండ స్థానానికి రాంరెడ్డి సర్వోత్తమ్‌రెడ్డి

సూర్యాపేట తెలంగాణలో జరగనున్న పట్టభద్రుల ఎమ్మెల్సీ ఎన్నికలకు కాంగ్రెస్‌ పార్టీ అభ్యర్థులను ఖరారు చేసింది. మహబూబ్‌నగర్‌–రంగారెడ్డి–హైదరాబాద్‌ పట్టభద్రుల నియోజకవర్గం నుంచి సామ రామ్మోహన్‌రెడ్డిని, వరంగల్‌–ఖమ్మం–నల్లగొండ పట్టభద్రుల నియోజకవర్గం నుంచి రాంరెడ్డి సర్వోత్తమ్‌రెడ్డిని అభ్యర్థులుగా ప్రకటించింది. ఏఐసీసీ అధ్యక్షుడు మల్లికార్జున ఖర్గే ఆమోదంతో పార్టీ ప్రధాన కార్యదర్శి కేసీ వేణుగోపాల్‌ మంగళవారం రాత్రి అభ్యర్థుల పేర్లను అధికారికంగా ప్రకటించారు. సామ రామ్మోహన్‌రెడ్డి ప్రస్తుతం టీపీసీసీ మీడియా, కమ్యూనికేషన్‌ చైర్మన్‌గా, ముఖ్య అధికార ప్రతినిధిగా బాధ్యతలు నిర్వహిస్తున్నారు. రాంరెడ్డి సర్వోత్తమ్‌రెడ్డి సూర్యాపేట జిల్లాకు చెందినవారు కాగా, మాజీ మంత్రి రాంరెడ్డి దామోదర్‌రెడ్డి కుమారుడు. యూత్‌ కాంగ్రెస్‌లో పలు హోదాల్లో పనిచేసిన ఆయన ప్రస్తుతం ఏఐసీసీ సభ్యుడిగా ఉన్నారు.