నల్గొండ: అంబేడ్కర్ ఓపెన్ యూనివర్సిటీ యూజీ 2, 4, 6 సెమిస్టర్ల విద్యార్థులకు ఊరట కలిగిస్తూ పరీక్షల ఫీజు చెల్లింపు గడువును యూనివర్సిటీ అధికారులు పొడిగించారు. ఫీజు చెల్లింపునకు సంబంధించిన వార్తలు వెలువడిన నేపథ్యంలో విద్యార్థుల విజ్ఞప్తులను పరిగణనలోకి తీసుకుని ఈ నిర్ణయం తీసుకున్నట్లు అధికారులు తెలిపారు.

విద్యార్థులు ఈ నెల 9వ తేదీలోగా ఆన్‌లైన్‌లో రిజిస్ట్రేషన్ పూర్తి చేసి పరీక్ష ఫీజు చెల్లించాలని నల్గొండ రీజినల్ కో-ఆర్డినేటర్ డాక్టర్ బొజ్జ అనిల్ కుమార్ సూచించారు. రూ.500 అపరాధ రుసుముతో ఇదే చివరి అవకాశం కావడంతో ఇప్పటివరకు ఫీజు చెల్లించని విద్యార్థులు ఈ అవకాశాన్ని సద్వినియోగం చేసుకోవాలని కోరారు.