నల్గొండ పట్టణంలోని ఎంఎన్‌ఆర్ గార్డెన్స్‌లో బీఆర్ఎస్‌వీ రాష్ట్ర ప్రధాన కార్యదర్శి బొమ్మరబోయిన నాగార్జున, హరిణి వివాహ రిసెప్షన్ వేడుక ఘనంగా జరిగింది. సమాచార హక్కు పరిరక్షణ సమితి, ఎలక్షన్ వాచ్ కమిటీ జాతీయ చైర్మన్ డాక్టర్ బొమ్మరబోయిన కేశవులు సోదరుడు నాగార్జున వివాహ రిసెప్షన్‌కు పలువురు ప్రముఖులు హాజరై నూతన వధూవరులను ఆశీర్వదించారు.

ఈ కార్యక్రమానికి మాజీ మంత్రి, సూర్యాపేట ఎమ్మెల్యే గుంటకండ్ల జగదీశ్ రెడ్డి, ఎమ్మెల్సీ కోటిరెడ్డి, నెల్లికంటి సత్యం, మాజీ ఎమ్మెల్యేలు డాక్టర్ గాదరి కిశోర్ కుమార్, కంచర్ల భూపాల్ రెడ్డి, మాజీ కార్పొరేషన్ చైర్మన్ పల్లె రవి ముఖ్య అతిథులుగా హాజరయ్యారు.

అలాగే రాష్ట్ర నాయకులు చెరుకు సుధాకర్, కంచర్ల కృష్ణారెడ్డి, చాడ కిషన్ రెడ్డి, నేవూరి ధర్మేందర్ రెడ్డి, రాష్ట్ర మహిళా నాయకురాలు పాల్వాయి స్రవంతి, జిల్లా మాజీ గ్రంథాలయ సంస్థ చైర్మన్ రేగట్టే మల్లికార్జున రెడ్డి, మాజీ మున్సిపల్ చైర్మన్ సైదిరెడ్డి, పట్టణ అధ్యక్షుడు బోనగిరి దేవేందర్, పర్యావరణవేత్త దుశ్చర్ల సత్యనారాయణ తదితరులు హాజరై వధూవరులకు శుభాకాంక్షలు తెలిపారు.

కుటుంబ సభ్యులు, బంధుమిత్రులు, పార్టీ నాయకులు, కార్యకర్తల సమక్షంలో రిసెప్షన్ వేడుక ఆత్మీయ వాతావరణంలో జరిగింది.