భువనగిరి: శబ్ద కాలుష్యానికి కారణమవుతున్న మోడిఫైడ్ సైలెన్సర్లపై భువనగిరి ట్రాఫిక్ పోలీసులు ప్రత్యేక డ్రైవ్ నిర్వహించారు. నిబంధనలు ఉల్లంఘిస్తున్న వాహనదారులపై కేసులు నమోదు చేశారు.

ఈ సందర్భంగా వాహనాలకు అమర్చిన మోడిఫైడ్ సైలెన్సర్లను తొలగింపజేసినట్లు ట్రాఫిక్ ఎస్‌హెచ్‌వో తెలిపారు. ప్రజలకు ఇబ్బందులు కలిగించే విధంగా శబ్ద కాలుష్యం సృష్టిస్తే కఠిన చర్యలు తీసుకుంటామని హెచ్చరించారు.