విద్యార్థులు, ఉపాధ్యాయులను సన్మానించిన సర్పంచ్ నిరంజన్ గౌడ్

మల్కాపూర్ జెడ్పీ హై స్కూల్ విద్యార్థులు పదో తరగతి ఫలితాల్లో 100 శాతం ఉత్తీర్ణత సాధించడం గ్రామానికి గర్వకారణమని గ్రామ సర్పంచ్ గిర్కటి నిరంజన్ గౌడ్ అన్నారు. అత్యుత్తమ ఫలితాలు సాధించిన విద్యార్థులు, ఉపాధ్యాయ బృందాన్ని ఆయన ఘనంగా సన్మానించారు. అనంతరం పాఠశాలలో నిర్వహిస్తున్న సమ్మర్ క్యాంప్‌ను సందర్శించి విద్యార్థులకు విద్యతో పాటు కళలు, క్రీడలు, సైన్స్ ప్రయోగాలు, కంప్యూటర్ నైపుణ్యాలు, యోగా, సంగీతం తదితర అంశాల్లో శిక్షణ ఇవ్వడం అభినందనీయమన్నారు.ఈ సందర్భంగా నిరంజన్ గౌడ్ మాట్లాడుతూ.. గ్రామ సర్పంచ్‌గా, అలాగే ఈ పాఠశాల పూర్వ విద్యార్థిగా జెడ్పీ హై స్కూల్ అభివృద్ధికి ఎల్లప్పుడూ అండగా ఉంటానని తెలిపారు. పాఠశాలకు అవసరమైన సహాయ సహకారాలు అందిస్తానన్నారు.ఈ కార్యక్రమంలో ఎంఈఓ గురువారవు, ఉపాధ్యాయ బృందం, గ్రామపంచాయతీ పాలకవర్గ సభ్యులు, వార్డ్ సభ్యులు పాల్గొన్నారు.