శ్రీ సత్యసాయి జిల్లా,ఎస్పీ సతీష్ కుమార్ ఐపీఎస్ ఆదేశాల మేరకు, డీఎస్పీ శివ నారాయణస్వామి సూచనలతో ,శనివారం కదిరి రూరల్ పోలీస్ స్టేషన్ పరిధిలోని కుమ్మరవాండ్లపల్లి గ్రామంలో మహిళలు మరియు చిన్నారుల భద్రతపై అవగాహన కార్యక్రమం నిర్వహించారు.

ఈ కార్యక్రమంలో కదిరి రూరల్ పోలీస్ స్టేషన్ సిబ్బందితో కలిసి ఎస్‌ఐ గౌతమి, కదిరి MPDO, ICDS సూపర్వైజర్ పాల్గొన్నారు. మహిళలు, బాలికలు మరియు చిన్నారుల రక్షణపై అవగాహన కల్పించేందుకు నయారా పెట్రోల్ బంక్ నుండి స్పేస్ జూనియర్ కళాశాల వరకు అవగాహన ర్యాలీ నిర్వహించారు.

అనంతరం స్పేస్ జూనియర్ కళాశాలలో ప్రత్యేక అవగాహన సమావేశం ఏర్పాటు చేసి, మహిళలు మరియు విద్యార్థినులకు POCSO చట్టం, బాల్య వివాహాల నివారణ, సైబర్ నేరాలు, మహిళల భద్రత మరియు ఇతర సామాజిక అంశాలపై ఎస్ఐ గౌతమి అవగాహన కల్పించారు.

అదేవిధంగా ప్రొజెక్టర్ సహాయంతో అవగాహన వీడియోలను ప్రదర్శించి, మహిళలు మరియు విద్యార్థులకు సులభంగా అర్థమయ్యే విధంగా అవగాహన ఇచ్చారు.

ఈ కార్యక్రమంలో విద్యార్థులు, మహిళలు మరియు గ్రామస్తులు పెద్ద సంఖ్యలో పాల్గొన్నారు.