ఆయన ఆశయాలను ప్రతి ఒక్కరూ స్ఫూర్తిగా తీసుకోవాలి

స్వాతంత్య్ర సమరయోధుడు, తెలంగాణ మలిదశ ఉద్యమకారుడు కొండా లక్ష్మణ్ బాపూజీ వర్ధంతి సందర్భంగా చౌటుప్పల్ పట్టణంలో ఆయన విగ్రహానికి ఈఎల్వి భాస్కర్ ఫౌండేషన్ వ్యవస్థాపకులు ఈఎల్వి భాస్కర్ పూలమాల వేసి ఘనంగా నివాళులర్పించారు.ఈ సందర్భంగా ఆయన మాట్లాడుతూ... తెలంగాణ రాష్ట్ర సాధన కోసం, బహుజనుల, చేనేత కార్మికుల హక్కుల కోసం కొండా లక్ష్మణ్ బాపూజీ చేసిన పోరాటాలు, త్యాగాలు చిరస్మరణీయమని కొనియాడారు. పదవుల కంటే తెలంగాణ ప్రజల శ్రేయస్సే ముఖ్యమని భావించి, తన మంత్రి పదవిని సైతం త్యాగం చేసిన గొప్ప మహనీయుడని గుర్తుచేశారు. బాపూజీ ఆశయాలను, సిద్ధాంతాలను ప్రతి ఒక్కరూ స్ఫూర్తిగా తీసుకుని ముందుకు సాగాలని పిలుపునిచ్చారు.​ఈ కార్యక్రమంలో ఈఎల్వి టీం సభ్యులు మార్గం శివ కృష్ణ యాదవ్, అల్మాస్పేట రామ్ గౌతమ్, పట్టం బాలకృష్ణ, తోకల సాయి ముదిరాజ్, ఈఎల్వి అశోక్, బోదాసు వెంకటేష్ తదితరులు పాల్గొన్నారు.