నారాయణఖేడ్ మున్సిపల్ పట్టణంలోని సేవాలాల్ చౌక్ సమీపంలో నిర్వహించిన సేవాలాల్ మహారాజ్ జయంతి వేడుకలు భక్తి శ్రద్ధలతో ఘనంగా జరిగాయి. ఈ సందర్భంగా నిర్వహించిన భోగ్ బండార్ పూజ కార్యక్రమంలో నారాయణఖేడ్ శాసనసభ్యుడు డాక్టర్ పట్లోళ్ల సంజీవరెడ్డి, నారాయణఖేడ్ కాబోయే మున్సిపల్ చైర్మన్ నాగేష్ కుమార్ షేట్కార్ పాల్గొని ప్రత్యేక పూజలు నిర్వహించారు.అనంతరం బంజారా భవన్ వద్ద ఉన్న భవాని అమ్మవారి ఆలయం లో భవాని అమ్మవారిని దర్శించుకుని శాంతి, సౌభాగ్యాల కోసం ప్రత్యేక పూజలు చేశారు. పూజ కార్యక్రమాలు సంప్రదాయ బద్ధంగా నిర్వహించబడగా భక్తులు పెద్ద సంఖ్యలో హాజరై సేవాలాల్ మహారాజ్ ఆశీస్సులు పొందారు.ఈ కార్యక్రమంలో పట్టణ ప్రజలు, ముఖ్య నాయకులు, వివిధ సంఘాల నేతలు, భక్తులు, బంజారా సంఘం సభ్యులు ఉత్సాహంగా పాల్గొన్నారు. సేవాలాల్ మహారాజ్ జయంతి సందర్భంగా నిర్వహించిన ఈ వేడుకలు సామరస్యానికి, భక్తి పరవశానికి ప్రతీకగా నిలిచాయి.