కంగ్టి మండలం రాసోల్ గ్రామంలో క్షయ వ్యాధి (టీబీ)పై అవగాహన కార్యక్రమాన్ని నిర్వహించారు. ఈ సందర్భంగా క్షయ వ్యాధి లక్షణాలు, వ్యాధి నిర్ధారణ, చికిత్స, నివారణ చర్యలపై గ్రామస్తులకు అవగాహన కల్పించారు. రెండు వారాలకు మించి దగ్గు, జ్వరం, బరువు తగ్గడం, రాత్రివేళ చెమటలు పట్టడం వంటి లక్షణాలు కనిపిస్తే నిర్లక్ష్యం చేయకుండా వెంటనే సమీప ఆరోగ్య కేంద్రాన్ని సంప్రదించాలని సూచించారు. క్షయ వ్యాధిని ప్రారంభ దశలోనే గుర్తించి వైద్యుల సూచనల మేరకు క్రమం తప్పకుండా చికిత్స తీసుకుంటే పూర్తిగా నయం చేయవచ్చని తెలిపారు. ప్రజలు అప్రమత్తంగా ఉండి వ్యాధి లక్షణాలు ఉన్నవారు వెంటనే వైద్య పరీక్షలు చేయించుకోవాలని సూచించారు.కార్యక్రమంలో టీబీ సూపర్‌వైజర్ ప్రకాష్, ఎం.పీ.హెచ్. నారాయణరెడ్డి, ఎం.ఎల్.హెచ్.పీ శిల్ప, ఎం.పీ.హెచ్.డబ్ల్యూ రుతు, పీ.పీ.హెచ్.ఎన్ మార్తమ్మ, ఏఎన్‌ఎం, ఆశా సిబ్బంది సుజాత, ఆసుపత్రి సిబ్బంది, గ్రామస్తులు తదితరులు పాల్గొన్నారు.