రామన్నపేట

మహాత్మా గాంధీ జాతీయ గ్రామీణ ఉపాధి హామీ పథకం (ఎంజీఎన్‌ఆర్‌ఈజీఎస్‌) కింద ధర్మారెడ్డి పెళ్లి ఫీడర్ ఛానల్ వరద కాలువ పూడికతీత, మరమ్మత్తు పనులను గ్రామ సర్పంచ్ కునూరు సాయికుమార్ గౌడ్ సోమవారం ప్రారంభించారు. రానున్న వర్షాకాలంలో లోతట్టు ప్రాంతాలు జలమయం కాకుండా ఉండేందుకు, వ్యవసాయ భూములకు నీటి పారుదల సౌకర్యం మెరుగుపడేలా ఈ పనులు చేపట్టినట్లు ఆయన తెలిపారు.

ఈ సందర్భంగా సర్పంచ్ మాట్లాడుతూ గ్రామాభివృద్ధిలో కాలువల పునరుద్ధరణ కీలకమని, ఈ పనుల ద్వారా ఉపాధి హామీ కూలీలకు గ్రామంలోనే ఉపాధి అవకాశాలు లభిస్తాయని పేర్కొన్నారు. కూలీలందరూ ప్రభుత్వ నిబంధనల మేరకు పనులకు హాజరై కల్పించిన అవకాశాన్ని సద్వినియోగం చేసుకోవాలని సూచించారు. పనుల నాణ్యత విషయంలో అధికారులు, మేట్లు ప్రత్యేక శ్రద్ధ తీసుకోవాలని కోరారు.ఈ కార్యక్రమంలో ఉపసర్పంచ్ బైకాని ఉమామహేష్, గ్రామ పంచాయతీ కార్యదర్శి సుధ, ఉపాధి హామీ ఫీల్డ్ అసిస్టెంట్ గాదే హేమలత, వార్డు సభ్యులు, గ్రామ పెద్దలు కునూరు రాజుగౌడ్, కునూరు మహేష్‌గౌడ్, మేడి కృష్ణ, కొక్కుల శంకర్, ఉపాధి హామీ మేట్లు కునూరు సరిత, గోగు లలితతో పాటు పెద్ద సంఖ్యలో ఉపాధి హామీ కూలీలు పాల్గొన్నారు.