నల్లగొండ, జూలై 4: తెలంగాణ సాంఘిక సంక్షేమ గురుకుల విద్యాలయాల సంస్థ (TGSWREIS) ఆధ్వర్యంలో 2026–27 విద్యా సంవత్సరానికి ఇంటర్మీడియట్ ప్రథమ సంవత్సరంలో మిగిలిన సీట్ల భర్తీ కోసం జూలై 6న జిల్లా కేంద్రాల్లో స్పాట్ కౌన్సెలింగ్ నిర్వహించనున్నట్లు అధికారులు తెలిపారు.

ఆర్‌జేసీసీఈటీ–2026 ద్వారా ఇప్పటికే రెండు విడతల్లో ప్రవేశాలు పూర్తయినప్పటికీ, కొన్ని కళాశాలల్లో ఖాళీగా ఉన్న సీట్లను భర్తీ చేసేందుకు ఈ స్పాట్ కౌన్సెలింగ్ నిర్వహిస్తున్నట్లు వెల్లడించారు. అర్హత కలిగిన విద్యార్థులు అవసరమైన ఒరిజినల్ ధ్రువపత్రాలతో పాటు రెండు జిరాక్స్ కాపీల సెట్లను తీసుకుని హాజరు కావాలని సూచించారు.

స్పాట్ కౌన్సెలింగ్ ద్వారా మిగిలిన అన్ని ఖాళీ సీట్లను భర్తీ చేయనున్నట్లు జిల్లా కోఆర్డినేటింగ్ అధికారి (డీసీఓ) శోభారాణి తెలిపారు.

కౌన్సెలింగ్ కేంద్రాలు:

బాలురకు: TGSWRS జూనియర్ కళాశాల, అనుముల (పోప్ పాల్ జూనియర్ కళాశాల ప్రాంగణం), బత్తాయి మార్కెట్ ఎదురుగా, ఎస్‌ఎల్‌బీసీ సాగర్ రోడ్, నల్లగొండ.

బాలికలకు: తెలంగాణ సాంఘిక సంక్షేమ పాఠశాల, నిడమానూరు (ఎస్‌ఆర్‌టీఎస్, సాగర్ రోడ్, నల్లగొండ).