చిట్యాల: నల్లగొండ జిల్లా చిట్యాల మండలం గుండ్రంపల్లి గ్రామంలోని ప్రాథమిక పాఠశాలలో ప్రభుత్వం అందజేసిన షూస్‌ను గ్రామ సర్పంచ్ బత్తుల లక్ష్మీ ప్రసన్న నరసింహ గౌడ్ విద్యార్థులకు పంపిణీ చేశారు. ఈ సందర్భంగా ఆమె మాట్లాడుతూ విద్యార్థులు బాగా చదివి ఉన్నత ఉద్యోగాలు సాధించి, గ్రామానికి, పాఠశాలకు మంచి పేరు తీసుకురావాలని సూచించారు.

ఈ కార్యక్రమంలో ఉపసర్పంచ్ ఆకుల కృష్ణ, వార్డు సభ్యులు కురుమతి బిక్షం, రత్నం, నాగరాజు, బస్సు వరప్రసాద్, బొడిగే ప్రభాకర్, కురుమతి లింగస్వామి, పాఠశాల చైర్మన్ గాదె వినోద, ప్రధానోపాధ్యాయురాలు హేమలత, మల్లికార్జున్, అహల్య, సత్తయ్య తదితరులు పాల్గొన్నారు.