ఆచార్య కొండా లక్ష్మణ్ బాపూజీ 111వ జయంతి వేడుకలను రామన్నపేట మండల పద్మశాలి సంఘం ఆధ్వర్యంలో ఆదివారం ఘనంగా నిర్వహించారు. ఈ సందర్భంగా బాపూజీ విగ్రహానికి పూలమాలలు వేసి నివాళులర్పించారు. తెలంగాణ సాధనతో పాటు చేనేత, పద్మశాలి సమాజ అభ్యున్నతికి ఆయన చేసిన సేవలను స్మరించుకున్నారు.

అనంతరం రామన్నపేట ప్రభుత్వ ఆసుపత్రిలో చికిత్స పొందుతున్న రోగులకు పండ్లు పంపిణీ చేశారు. బాపూజీ ఆశయాలను కొనసాగిస్తూ సామాజిక సేవా కార్యక్రమాలు చేపడుతున్నట్లు సంఘం నాయకులు తెలిపారు.

కార్యక్రమంలో పద్మశాలి సంఘం గౌరవ అధ్యక్షులు సంగిశెట్టి సుదర్శన్, అధ్యక్షులు ఈడెం శ్రీనివాసరాధా, మాజీ డీసీఎంఎస్ జిల్లా డైరెక్టర్ జెల్లా వెంకటేష్, పట్టణ అధ్యక్షులు రచ్చ యాదగిరి, కార్యదర్శి నాగభూషణం, మండల చేనేత సహకార సంఘాల అధ్యక్షుడు పెండం వేణు, వరం సుధాకర్, వనం కిష్టయ్య, వనం చంద్రశేఖర్, గంజి అశోక్, రచ్చ దయాకర్, గంజి చంద్రయ్య తదితరులు పాల్గొన్నారు.