చిట్యాల పట్టణంలోని శ్రీ కనకదుర్గమ్మ గుడి సెంటర్‌లో రోడ్లు, భవనాలు & సినిమాటోగ్రఫీ శాఖ మంత్రి కోమటిరెడ్డి వెంకటరెడ్డి జన్మదిన వేడుకలను మాజీ మున్సిపల్ చైర్మన్ కోమటిరెడ్డి చిన్న వెంకట్ రెడ్డి ఆధ్వర్యంలో ఘనంగా నిర్వహించారు.ఈ కార్యక్రమానికి జిల్లా కాంగ్రెస్ పార్టీ ప్రధాన కార్యదర్శి పోకల దేవదాసు, మాజీ జెడ్పీటీసీ చేపూరి యాదయ్య, మండల కాంగ్రెస్ అధ్యక్షుడు గుడిపాటి లక్ష్మీనరసింహతో పాటు పలువురు కాంగ్రెస్ నాయకులు, మాజీ కౌన్సిలర్లు, గ్రామ శాఖ అధ్యక్షులు, ఎన్‌ఎస్‌యూఐ మరియు యూత్ కాంగ్రెస్ నాయకులు పాల్గొన్నారు.

ఈ కార్యక్రమంలో నాయకులు కోమటిరెడ్డివెంకటరెడ్డి ప్రజాసేవలను కొనియాడుతూ కేక్ కట్ చేసి జన్మదిన శుభాకాంక్షలు తెలిపారు. చిట్యాల మండలానికి చెందిన వివిధ గ్రామాల కాంగ్రెస్ నాయకులు పెద్ద సంఖ్యలో పాల్గొన్నారు.అయితే వీరేశం వర్గానికి చెందిన నాయకులు కార్యక్రమానికి హాజరు కాకపోవడంతో చిట్యాల మున్సిపాలిటీలో “కొత్త కాంగ్రెస్ – పాత కాంగ్రెస్” అనే చర్చ రాజకీయ వర్గాల్లో జోరుగా సాగుతోంది.