తెలంగాణ ఉద్యమకారుడు, టీపీసీసీ ఎస్సీ సెల్ రాష్ట్ర కార్యదర్శి గడ్డం యాదగిరి 53వ జన్మదిన వేడుకలు ఉద్యమకారుల ఫోరం ఆధ్వర్యంలో ఘనంగా నిర్వహించారు. ఇటీవల ఆయనను టీపీసీసీ ఎస్సీ సెల్ రాష్ట్ర కార్యదర్శిగా నియమించడంతో ఉద్యమకారులు, ప్రజా సంఘాల నాయకులు హర్షం వ్యక్తం చేస్తూ జన్మదిన వేడుకలను ప్రత్యేకంగా నిర్వహించారు.

ఈ కార్యక్రమానికి ముఖ్య అతిథిగా హాజరైన ఉద్యమకారుల ఫోరం రాష్ట్ర ఉపాధ్యక్షులు జోగు అంజన్న గడ్డం యాదగిరిని శాలువాతో సత్కరించి జన్మదిన శుభాకాంక్షలు తెలిపారు. రామన్నపేట నియోజకవర్గ సాధన సమితి గౌరవాధ్యక్షులు పోతరాజు శంకరయ్య, అధ్యక్షులు బొడ్డుపల్లి లింగయ్య, విద్యావేత్త ఎస్.కె. చాంద్ తదితరులు మాట్లాడుతూ తెలంగాణ ఉద్యమంలో గడ్డం యాదగిరి చేసిన సేవలను కొనియాడారు.

తెలంగాణ ఉద్యమం నుంచి సామాజిక న్యాయం కోసం నిరంతరం పోరాడుతూ 57 ఉపకులాల హక్కుల సాధనలో కీలక పాత్ర పోషించిన నాయకుడిగా గడ్డం యాదగిరి గుర్తింపు పొందారని పేర్కొన్నారు. రాష్ట్ర స్థాయిలో ఆయనకు లభించిన బాధ్యతలతో చిందు సామాజిక వర్గానికి మరింత గుర్తింపు లభించిందన్నారు.

కార్యక్రమంలో స్థానికం చీఫ్ ఎడిటర్ కొండ మల్లేశం గౌడ్, లీగల్ సేల్ అడ్వైజర్ ఉద్యమకారుడు కూనూరి శ్రీనివాస్ గౌడ్, కైరం కొండ సంతోష్, ఏలూరు రవి, బాలయ్య, ఆంజనేయులు తదితర ఉద్యమ నాయకులు పాల్గొని గడ్డం యాదగిరికి శుభాకాంక్షలు తెలిపారు.