రామన్నపేట మండలానికి గౌడ్ యువజన విభాగం మండల అధ్యక్షుడిగా పబ్బతి సాయి గౌడ్‌ను నియమించారు. తెలంగాణ గౌడ్ సంక్షేమ సంఘం రాష్ట్ర అధ్యక్షుడు వంగ సదానందం గౌడ్, రాష్ట్ర ప్రధాన కార్యదర్శి గుండాల మల్లేష్ గౌడ్ ఆదేశాల మేరకు, గౌడ్ విద్యార్థి సంఘం రాష్ట్ర అధ్యక్షుడు మల్కాపూర్ శ్రీకాంత్ గౌడ్ సూచనలతో రాష్ట్ర ఉపాధ్యక్షుడు మల్లం శివ నియామక పత్రాన్ని అందజేశారు.

ఈ సందర్భంగా సంఘ నాయకులు మాట్లాడుతూ యువజనులను సంఘ కార్యకలాపాల్లో భాగస్వామ్యం చేయడంలో, విద్యార్థుల సమస్యల పరిష్కారంలో సాయి గౌడ్ చురుకుగా వ్యవహరిస్తారని ఆశాభావం వ్యక్తం చేశారు. తనపై నమ్మకం ఉంచిన రాష్ట్ర నాయకత్వానికి పబ్బతి సాయి గౌడ్ కృతజ్ఞతలు తెలిపారు.