చిట్యాల: గణేష్‌ విగ్రహాల నిమజ్జనం ప్రశాంతంగా, సురక్షితంగా జరిగేలా పటిష్ట ఏర్పాట్లు చేయాలని నల్లగొండ జిల్లా కలెక్టర్‌ బి.చంద్రశేఖర్‌ అధికారులను ఆదేశించారు. బుధవారం చిట్యాల మండలంలోని పరిసర గ్రామాల గణేష్‌ విగ్రహాల నిమజ్జనం కోసం జాతీయ రహదారి వెంట పెద్దకాపర్తి శివారులోని చెరువును ఆయన పరిశీలించారు.

నిమజ్జనానికి అవసరమైన సౌకర్యాలు, భద్రత, పారిశుద్ధ్య ఏర్పాట్లను పరిశీలించి అధికారులకు పలు సూచనలు చేశారు.

కలెక్టర్‌ వెంట ఎంపీడీవో జె.పాండు, ఎంపీవో ఏ.కోటేష్, డిప్యూటీ తహశీల్దార్‌ బి.విజయ, పెద్దకాపర్తి సర్పంచ్‌ కాటం వెంకటేశం, ఆర్‌డబ్ల్యూఎస్‌ డీఈ బి.రామకృష్ణ, ఎస్‌ఐ వెంకట్‌రెడ్డి, ఆర్‌ఐ అమర్‌నాథ్, రెడ్డి. పంచాయతీ కార్యదర్శి కృష్ణయ్య, వార్డు సభ్యులు తదితరులు పాల్గొన్నారు.